| 14-07-2010 15.39
 Summarfrí
Skrivstovan hjá Starvsmannafelagnum verður stongd frá leygardegnum 17. juli og til og við sunnudagin 8. august vegna summarfrí. Opið verður aftur sum vanligt mánadagin 9. august.
Góða summarfrítíð øll somul!!
|
|
| 08-07-2010 10.27
 Barsil: Mamman og pápin kunnu býta 10 vikur við løn
- mamman hevur framvegis, eftir føðing, rætt til 24 vikur við løn frá arbeiðsgevaranum. Dómur hjá Føroya rætti staðfestir, at mamman og pápin nú kunnu býta tær síðstu 10 vikurnar av hesum, við løn
|
|
|
| 03-06-2010 12.00
 Álitisfólkafundur 18. juni 2010
Starvsmannafelagið skipar fyri sínum fyrra álitisfólkafundi í ár á Hotel Føroyum fríggjadagin 18. juni frá kl. 9.30. Evni til fundin verða sáttmálasamráðingar/krøv - og orða virðisgrundarlag fyri Starvsmannafelagið.
|
|
| 29-04-2010 14.10
 Sáttmálin við Fíggjarmálaráðið og Kommunala Arbeiðsgevarafelagið er uppsagdur
Almenna Fakfelagssamstarvið, sum eru feløgini, Føroya Lærarafelag, Starvsmannafelagið, Føroya Pedagogfelag, Felagið Føroyskir Sjúkrarøktarfrøðingar og Havnar Arbeiðskvinnufelag, hava í dag sagt sáttmálarnar upp við Fíggjarmálaráðið og Kommunala Arbeiðsgevarafelagið at fara úr gildi tann 1. oktober 2010.
Fyrsti fundur við Fíggjarmálaráðið og Kommunala Arbeiðsgevarafelagið verður týsdagin 18. mai kl. 13.00, har partarnir fara at leggja samráðingarnar tilrættis.
|
|
| 12-04-2010 11.24
 Starvsmannafelagið vitjar í Vágum í morgin
Mint verður á at Starvsmannafelagið vitjar í Vágum í morgin týsdagin 13. apríl. Umframt at vit vitja nakrar stovnar, verður viðtala á Hotel Vágum millum kl 16.30 og 18.00.
Klokkan 20 verður kvøldseta á Hotel Vágum, niðaru hædd. Har Holgar Jacobsen fer at undirhalda við tónleiki, og John Kjær, formaður í Samlagtryggingargrunni Starvsmannafelagsins, fer at umrøða pensiónsviðurskifti. Afturvið bjóða vit kaffi, te, snittir, køkur o.a.
Allir limir eru hjartaliga vælkomnir.
|
|
| 26-03-2010 14.11
 Starvsmannafelagið vitjar í Vágum 13. apríl
Sum áður nevnt, so ger nevnd og umsiting í Starvsmannafelagnum vitjanir kring landið, har vit vitja nakrar stovnar, og aftaná hava viðtalu og kvøldsetu. Hetta fyri at vit kunnu hitta tykkum, seta andlit á, og koma tykkum nærri við. Og øvugt at tit vita hvørji vit eru.
Næsta vitjan verður í Vágum týsdagin 13. apríl, har vit fyrst vitja nakrar stovnar. Síðan verður viðtala á Hotel Vágum (niðaru hædd) kl. 16.30, har allir limir okkara eru vælkomnir at tosa við okkum, um tit hava eitthvørt uppá hjarta.
Kl. 20.00 verður kvøldseta fyri allar limir okkara eisini á Hotel Vágum (niðaru hædd) vit hava fingið Sámal Ravnsfjall at spæla eini 4 løg, og fyrilestrahaldara skulu vit eisini hava, men vit senda kunning seinni, hvør tað verður. Vit bjóða ábit, køkur, kaffi og te.
Vit vóna at tit taka væl í móti hesum tiltaki, og møta fjølment. Allir limir eru vælkomnir.
|
|
| 18-03-2010 14.16
 Nevndin hevur skipað seg
Á nevndarfundi 18. mars 2010 skipaði nevndin í Starvsmannafelagnum seg soleiðis:
Selma Ellingsgaard, forkvinna
Súni Selfoss, næstformaður
Niels á Reynatúgvu, nevndarlimur
Karin Jacobsen, nevndarlimur
Katrin Joensen, nevndarlimur
|
|
| 17-03-2010 14.09
 Frælsar samráðingar, takk!
Tað er ikki sørt hugstoytt at lesa og hoyra, fyrst ætlanirnar hjá Fólkaflokkinum, um lønarsteðg og setanarsteðg í fleiri ár og síðani aftursvar frá Javnaðarflokkinum, at ongar lønarframskrivingar skulu vera í 2 ár.
|
|
| 17-03-2010 09.24
 Aðalfundur í Eftirlønargrunni Starvsmannafelagsins hóskvøldið 18. mars kl 19
Ársaðalfundur í Eftirlønargrunni Starvsmannafelagsins verður hóskvøldið 18. mars kl 19.00 í hølum felagsins á J. H. Schrøtersgøtu 9.
Skrá:
1. Frásøgn um virki grunnsins í farna roknskaparári
2. Framløga av grannskoðaðum ársroknskapi til góðkenningar
3. Viðtøkubroytingar
4. Val av nevndarlimum
5. Ymiskt
|
|
| 13-03-2010 17.13
 Nýggja nevndin í Starvsmannafelagnum.
Á nevndarvalinum á aðalfundinum í dag vóru Súni Selfoss og Katrin Joensen vald. Nevndin í Starvsmannafelagnum er nú hendan:
Selma Ellingsgaard, Súni Selfoss, Katrin Joensen, Niels á Reynatúgvu og Karin Jacobsen.
Tiltakslimir eru Hilmar Augustinussen og Kartni Ravnsfjall.
|
|
| 05-03-2010 14.27
 Aðalfundur Starvsmannafelagsins 13. mars
Góðu limir.
Boða verður til aðalfundar í Skálanum í Norðurlandahúsinum leygardagin 13. mars klokkan 13.00, skrá sambært viðtøkum felagsins.
Gestarøðari verður Tormóður Stórá - ársins leiðari - leiðandi yvirlækni á psykiatriska deplinum. Hann fer at hugleiða um Leiklutin hjá fakfeløgunum og leiðslunum í framtíðarinnar almennu arbeiðsplássum.
Eftir aðalfundin bjóðar Starvsmannafelagið limum sínum til kalt borð í hølum felagsins á J. H. Schrøtersgøtu 9.
|
|
| 05-03-2010 14.11
 Brævatkvøða til aðalfundin 13. mars 2010.
Samb. § 14, stk. 6 í lógum felagsins er møguleiki hjá limum, sum ikki koma á ársaðalfundin, at greiða atkvøðu fyri uppstillaðum nevndarvalevnum hjá felagnum eftir 15. februar 2010.
Hesi hava stillað upp til nevndarvalið:
Súni Selfoss, starvast í Kringvarp Føroya
Hilmar Augustinussen, starvast á Føroya Gjaldstovu
Katrin Joensen, starvast á Umhvørvisstovuni.
|
|
| 24-02-2010 13.18
 Telefonviðtala felagsins er broytt
Skrivstova Starvsmannafelagsins hevur broytt telefonviðtalutíðina soleiðis at frá nú av er hon mánadag til fríggjadag frá klokkan 10 til 15.
|
|
| 22-02-2010 10.42
 Semjan fyri Sjúkraflutningstænastuna.
Leygardagin 20. januar komu Fíggjarmálaráðið og Stavsmannafelagið ásamt um ein nýggjan sáttmála fyri Sjúkraflutningstænastuna.
Semjan er undirskrivað í Fíggarmálaráðnum í morgun kl. 8.30.
Semjan er viðheft sum skjal.
|
|
|
|
|
|
